DESSAUVAGES ROBERT (rdessauv)

AUTEUR DE POEMES EN PATOIS (MEMBRE : rdessauv)

L'sondache du veilleux d'nut



Un jour de 1986 chez lancry protection sécurité 73 rue de Lille Tourcoing
Ou j étais délégué du C E et du personnel C G T un responsable parisien
Me reprochais de parler avec un accent du nord.
mal lui en a pris à la première occasion je lui ais répondu en picard
ils avaient décider de modifier les moyens de paiement
avec un cheque barré venant de paris( papis a sous barré)
vu ma réaction ils avaient fait un sondage ne demandant que l ' avis
des intérimaires et après avoir mis leur méthode en place
d'ou ma réponse en ch'nord se trac a eus son succès
la société suite a sa diffusion auprès des clients
et de l ensemble du personnel a abandonne son projet


l' sondache du veilleux d'nut

dernière m 'in j 'Allos trinquille
rue d'lille t' chére m'acompte
devisant de-ci delà aveuc les collègues
r'incontre dins 'l 'rue
d'maches langues raconte qu' in dit du maux de lancry
mis j 'leur dit qu' y a pos grand qu' choches d'bon a dire
j 'buque a l'porte et la mes gins
j 'me sus fait sonder

j 'ai toudis cru qu' y avos qu 'a l ' armée
qu' in prenot l' timperature des gins
mais achteur ch' est a la mode
chez lancry'in nous sonde tertouss
sauf peut être ceux qui joque drôles
les cegetiste'droles de maladie

y 'raconte chés patrons
que ch 'est des impecheux
d'tourner in rond
qui leur minque toudis
cinq sous pour faire un franc
ébé man dis seigneur des ronds
ch 'est pos cha qu' in a le pluque
mais cha ch 'est une aute affaire
j ' prind min papi a sous barré
l'sondache
j 'serre les fesse et me v'la reparti a l 'majon


Comme j 'craignos que l' sonde tché a terre
J 'arserre les fesses de plus belle
Tout in surveillant bin l 'température
Sus l 'route busis tout s'eu
Me v'la bin avec min papis a sous barré et Ste sonde


Déjà qu' in touche l '15 du mos
V 'la in pluque que pour touchi t' n 'acompte
Un papis a sous barre
qu y'es pos d ichi mais d'paris
In dos signé un papis l '20 du mos qui raconte
Qu 'as n 'a 'eus nos doupes l '30du même mos
Que sondache Tout y'es d'ja fait
et v'la ti pos qu' in te sonde après.

Deja que chaque Fos qu 'te réclame
in te dis qu o que fais pindant 'l 'nut
te ronfelles qu' in t' attend jusqu'au mitant de l'rue

tout in busiant me v 'la in trin deschinte l 'rue Lille
et la mes gins d' vinez quo que j' vos
écrit su 'l'mur du 43 et sus l'porte c g t
d après s 'qu 'on vint d 'm' dire
cha dos etre un hôpital vu qu ' eux i'n'sont pos sondés

ou cha dos être une fabrique de roue carré vu qu 'ché
des impecheux d'tourner un rond .
eux ils sont n ' in sonder.
j erwette un coup a l' intérieur
et la qui que j'vos
qui déhute de la un malade
ben portant qui s' appelle robert

y'és pos malade ni fabricant d'roues carrés
mais ché vrai qui li manque toudis
cinq sous pour faire un franc
avec l 'pauffe paye qu' ils a

v 'la ti pos qui m 'prind l'idée d'li raconté
m' in sondache
y en rigole incor
ch'ros qu 'ya dut être malade de rire
et v' la qui m'sort de drôles de truc



entraves au c e . interdis .
lois .tribunal droit du travail
ils doivent payés en liquide
m y j acoute et joque bin trinquille
tout in surveillant bin l température



surtout que j 'ai l'impression
qui dos avir un bouchon a ch 'teur.
Tout s 'que j'ai artenu
Ch' est que j' ch ' peut touchi mes doutes in liquide
S ils veulent pos j' dos li dire
Y aurons eunne aminde chés bandit

J 'ai bin l' impression que j' me sus fait avir
aveuc s' te sondache
l 'colère me prind
l'temperature monte
l 'sonde dechind
et l' bouchon fait pression
vu qu il ont poussé trop loin

j' chus artouné ché lancry
leur donne m' temperature
l' sonde et 'l bouchon
tout compte fait j'prefere etre
connu comme un impecheux d'tourné
in rond et avir mes sous in liquide
j' ai bin vite pris eunne carte a l'c g t

prochaine Fos que j' irais t chére
m' acompte j'prind eunne brouette
sans trou
pour l 'paye in liquide
impecheux ou pos d'tourner in rond
cha n'a pos d importance
ché mi qui'l'pousse l 'brouette

section syndicale c g t .

rdessauvages 1986

Ch'berlire

Ché tos eunne berlire
Qui n' étos pos de l'marlire !
Fir comme eunne ' berbère
qu ' ya vos eu l'tort.
Et en etos fier
D'rire sin biau frère bébert.

Chte berbère qui s' aplot
isabelle
n' etos pos eunne quenelle
Nin puque eunne maquerelle
Rin qu 'eunne donzelle.

Pos de l'race d'ces femelles.
Qui joutent de l'dentelles !
Rin de tous cha Nin non
Elle joque foque D'L race
Qui sans mintir !
s 'aplot Seghir.

De ceux qui in douce
te font minger du couscous.
sin donner au mari
du sidi
du noir ou du blanc
a sin crinchon.

Du vin au secralien
L 'Rindra bon a rin.
Sinon choque à li Dire
A Ste berlire.
d'min frère bébert sut fire
te l' prenos pour un ballot
cha fait pluque d'une heure
Qui sans rin dire !
Te fait lire du patos.

Qui passe mi-in douce !
Et sans secousse
qu' t'un cousscouss ?

Secralien et crinchon étant les surnoms de Vincent dessauvages
Mari d isabelle seghir

. Rdessauvages 22/12/2001

M'frania
M'lalasse


M'Frania te v'la pu la..
Même t 'majon ' y' l' t' l'ont mi-bas.
Tout sin va rin ne vas
De s'passé rin n'est la.


M 'Lalasse tout y passe !
tout y'est cassé.
Déjà du cim' tiere y sont lasse
De s'passé y sont lassé.
M'Lalasse de ti y sont lasse

D'L 'Amour toujours y sont pour ?
Pos deux jours qu'ça dure !
D'l 'Amour y sont pour
Sans sintimint y crotte qu'ça dure


T 'majon de brique
y l 'ont mi-bas
De celle du cim' tirre
Y n 'y vont pas.
In monumint ferotte leur joie
Y'a pus d' plache, plus de joie.


De tôt Lallasse y sont lasse.
Monumint d'joie
De glache'al ' plache
Tout y passe
De tôt y sont déjà lasse
M' pauffe Lalasse
Pour tôt y'a pus place
.

lalasse et frania étant les surnoms de francoise dessauvages
decedee le 31/01/1998 a 41ans a l hôpital Calmette
de Lille après huit jours de coma et une vie de souffrances
rdessauvages 22/12/2001

Ch'lapin sin tête



T'connos d' zistoire de d'guerre d '40.
Ninnon pepere.
J 'vas t'raconté sti du lapin sin tete.
Et cha ché vrai impluque.
Ché t'arrivé à m'deuzimme fimme
T 'grand mére Leonie.


Elle habitot au trozimme étache seu.
C'étos l' d 'guerre
l 'vrai celle de 40.
L 'vie y étos dure
et pour vif elle travaillos au noir
Rindant des services a tous
contre des doupes bin intindu.
T 'connos grind mére
elle fait rin pour rin.


L' concirges du bintimint vivotent.
au raz d' l 'chaussee
comme tous ceusse de s' n'espece.
Y 'avos un cat.
mais un s't'chés cat
binto aussi gras qu' un quien
fot t'dire qu'ces concirges
n' avotent rin a envii au cat
s'privotte de rin
toudis z'uniforme ché z' eux
pos les notes bin sur
les z'autes. Les chleus

Ste cat. yé tos la a z'yeuté
ste gras gros cat collabos.
Souquart
pres a bondir.
si n'etos pas aussi gros .
Y auros su
p'tet attraper un oziaux.
Qui eux n étaute
pos gros
que des pleumes .
pos des collabos.


Enfin bref v'la ti pos qu' un jour
t'infâme traitresse.
L' concirge
pos g'rind mere pour une fos .
ste concierge deminde

Leonie.
te voudros pos m' tchure un couet
d'carbonnate flaninque.
Je reçois demain du beau monde.
ste paierais bin sur.
Er v'la Ste braffe femme
qui pendint tros jours .
Tchu mijote cajole s'un couet carbonnate
T 'l'connos pour 's guiffe rin né trop bos
Et tous fire déchin l'couet fin prêt.


La min fieu l'concierge li dit.
apres avoir rimplis l' vinte D'cses gins .
j' te paierais pos
ta du garder plus beau
plus gros des morceaux.
voleuse.
Ces boches riottes
l' concirges aussi.


Ma.
la fieu leonie arr'monté
l'ezescali plus vite qu' elle les avos deschindu.
4 mos elle a ruminé
4 mos d'bonheur pour mi
te pinse elle m' avos oubliis

v'la ti pos qu'un matin
un sonne a s'porte.
S' t'infame concirge a 'l porte lit dit.
Leonie
te cuiro pos pour mi un lapin.
aux prunos
te l' treuffe ti meme l'bestiau l' vin et les preunos.
et te peut garder l'tete pour ti.
Min cat y'en veut pos.


Bin sur li repond mielleusse.
Leonie.
J'va m'occupé d't' un cat.
au prunos y s'ra bo.
Aussi tot dit aussi tot fait
Leonie t' ch' eurre au bouchis
accater un bout d'mou.
Et pendant tros jours
elle va appaté ste bête.


Meme s 'in lait va y passé.
L'jour fatidique
Y'ést 'arrivé.
Leonie perfide li dit.
A c'te traitrsse
pour l'meme pris
j'va t'servir.



Y ' z 'etotes contint ces chleus
pos un reproche
ni meme n'avote jamais rin minger
d' aussi bon d'pus l' debut de l' d 'juerre.



et la min fieu
apres a voir eu ces douppes.
bin haut.
elle leur dit a eusse et a l'concirge.
ta jamais minger d'aussi bon lapin.
depus l'debut d' l' d' juerre.
Profite.


t'un mingeras bintot pluque que t'n voudros.
mi de l'tete min quien y'en veut nin .
tche la rind.
et sortant d'sin sac a papi
elle jette au mitant de l'piche.
l' tete du lapin.
leonie leur dit.
Aujourd' hu


vous avotte aimer s'lapin sans tete.
V'la l'tete.
et dans z' un grand silence .
roule a leur pids l'tete
du cat qu' elle avos chut.


le v'la t' in cat
bien gras bien gros
au pruneaux l' cat d'collabos.
Ta tout mingé
rin laisser.
Ta profité
et s'in va laissant la .
In brayant l 'concirge .
In d' jeulant ches boche.


Moralité .

D'leonie faut nin profiti.

Cha j'ai jamais réussi

Te vin minger a majon s'midi

A t'majon papy

Ouais

ch'cro leonie

a tchus.

chus bete.

des oziaux sans tête .






Rdessauvages oct 2001

chinquante ans




Quos qu' in disent ché gins

Me v 'la a chinquante ans hé ouais.

Cha n' te prind Nin comme cha

d' un seul coup Nin non.

Cha Vins un jour al Fos

comme cha sans avir l'timps de t 'méfier

De t' in rint pôs conte

perdu d 'in l 'espoir d 'accater t 'in cabanon.



Y disent tant qu ' ya d 'la vie ya d 'l espoir .

Y s'rinde pos conte

qu' al premire seconde qu'té la

te t'raccroche a l' vie

Qu 'a l 'deuxime te cours après l 'mort

Mi ché sans désespoir

L'importint étant d' la bin remplir s' te vie ..



Pourtint quind même Fos

Qu 'j 'avoue que vieillir ché fatiguant.

T' femme te fait bosser comme avant.

Te li dit rin de peur

qu' elle te chinge contre un plus fringant.


Y'a que pour la bagatelle

qu 'elle te rappelle qu'ta cinquante ans.

Te vos

L'excuse mi qui suit fringant

comme un Matton.



M 'Moudre qui s'plegniot

qu'un Dessauvages a quarante ans !

Y'étaut su l'dos me v 'la a chinquante ans

l' rot du bâton.


V'la ti pos qu' j'ai mis

j 'use m' fimme de quarante ans


Bin sur t' in corps y chinge duch'min un peu a l' fos.

Le tcheu de t 'rue yé plus long

t'avos jamais remarqué l 'montée



Ta dus arretchi d'courir après c h'bus.

y démarre bin plus vite

qu 'avant et te le loupe bin trop d'fos



chés marche d escaliis

sont bin trop haute

y 'a pos idée d'faire des trucs ainsi




Ch'pinsos a tous cha tout s'eu

L' aute jours dans m 'salle de bain

En nettiiyan mes Ys

Même chés glaces sont pus aussi bonnes

Qu ya chinquante ans


Quo j 'écris pou m 'plaindre

Quo que j 'dit d' la vie

M 'mère m'dit toudis

Vis ta vie té sot d 'in faire autant

Tout cha parce qu'ta chinquante ans



Rdessauvages 25-01-2002

Man die


Man Die qu ' tcheu j ' maudit l'jour
Ou qu'te m'la pris m' amisse.


Man Die qu 'tcheu té maudit l ' jour
qu 'te m'la pris s'père a qui
J'n' avos pos tout dis.


Man' Die qu 'j t'ai hais l‚jour
Qu'te m 'la pris m'Sœur
Qu ''j n'ai pos su protegis.



Man' Die qu'j't'ai hais l ' jour
qui l'a trahie Sté sœur
Qui li avos donne s'vie !
bandit !


27ans marii' maudit
27jours après s'mort trahie
Bandit.


Man' Die qu'chté maudit'
Quand ces ptiots marals
s'on t' infui !
bandit


Man' Die qu'chte maudit' bandit
Quand' t'elle les a pris !
S't' aute ! Sœur qui nous trahie.



Man' die qu j'chté vomi'
Quant 'an t'in nom elle trahie.
ces marals qui pouss' definde
Crie après t 'i maudit.



Man' Die
que j'te souvins appelé
cha n'a rin donné



Man' d i qu 'j é souvint bertonné
tout s'eu
dans un tcheu abandonné
après t'avoir appellé



Man' Die qu'je me su souvins d'mandé
Qu'cho qu'a 50 ans ?
Qu'te m'avos donné ?
rin bandit
Sinon qu'la vie
Maudit.


Man' Die qu' ch 'té imbeti
aveuc ces écrits.
Man' di que su sot
Sus in vie
Maudit.


Man' die ché plus biau des cadeaux
Maudit
Qu't'a toudis repris
bandit !

RDessauvages 25/12/2002

L' disav



L' disav n'es nin un quien

Nin non rin qu' in informaticien.

Qu'y'a l' virus'

nin din' s' becane

Mais au mitan d' ces cannes.




Le v 'la al saint Médard Rians d 'babar

Avec le feu au pétard

Pos d accès a windown

'y auras bintot un deuxime tro

Au bas du dos.



J' li avos dit bandit te ris d' mi

Te sera bintot puni.

T 'auros du méfi

Du fils de mamie

Ta fait multimania

Té pos prêt pindant

Huit jours a faire caca

Cha t' inprindra



Te ris d Mi .

t'auras un panaris.

Te ris d' t' un oncle.

t' auras un furoncle.

fos pos dire non pluque .

que chétos un vice informatique .

encor moins génétique.




l 'prochaine fos DILLIES gence

te fras a t 'oncle te raccourras.

ainsi furoncle t' évitera.

au pion te joueras pas .

morpions t' éviteras






moralité té un informaticien né

mais evite quand même de peté.

si ta pas une buick

arrette de minger au quick




26/01/2002 rdessauvages

M' barbinou


M'barbinou n'es Nin un poux.
Sauf sti d'l'race de ceux
D'ces bouts choux
Qui sans un sous a trou !
Te donne s'qui y'a meilleur
Et en douceur
Sin t 'choeur

L ' ban di
sti qui donne l'esprit
A s'n 'imache
Ne la pos fait sache
Mais in douceur ma donné s'in tchoeur
En elle s'qu'y' a meilleurs.

L'maladie n 'a pos suffit
A Ste canard
Pour l'interdire d 'dire
T'es min Babar.

Pourquos mi j'nin sais rin
Peut' être l'destin
Du chagrin de 'm'Soeur
ma mis d'un l ' coltar
D'l'amour d'ste canard'm'donnera
Un nouviau départ


S'n'amour est un signe
Qui feras d 'elle un cygne !
L'expression d 'l'amour du canard
Pour s'in Babar.






Rdessauvages a matylde
07/02/2002

L'mitan


L 'mitan de m'vie che ti
L' reste t'la inpoisonni

L'mitan d 'm'in lit ché ti
Pos moyen d'avoir du plaijis
T'me saque toudis d' un bas d 's'lit
Pos par l 'plaijis
mais pour 'm 'faire travaillis.

L mitan mes doupes ché ti
T ' min laisse pos assez pour m'soupe.

L'mitan min t 'chœur ché ti
Comm' t 'n e n 'na nin
M ‚mitan s' fatigue
Y ' dos Travaillis pour ti aussi .

L' mitan d 'me vie ché ti
Caronne t'ma toudis inpoisonni
Même eunne mitan m'a pos laichi

L 'mitan qu'y'és' in ti
a t'mere
J' l'ai bin vite r' invoii
Q'que l'biau père est ravi
S fimme y'a l impression
Quelle vis ?
L'mitan d' un t 'chœur
A 'm vie' 'n'a jamais servi
Qu 'un jour t'ché rinvoii


L' mitan de m 'vie
sa ma vite m' inchi
qu 'après to j' ai vite cachi


L'mitan d'un t'choeur
vaut mi que rin du tout
du t 'coeur j' en ais pour ti
l'mitan d'm'vie ché ti

r dessauvages février 2002

Sti qui buque


Qui qui buque ainssi !
A' t' cheur 'd'l' nut.
Rin qu'in n' amisse
Q'u 'y'és sans malice.


Te v'la infin. arrivé
Salomez
D'pus l' timps
13 ans y'ont passé


Cha va' t n'a' n 'in trop changé
D 'in' l' malheur ta donné
L' mort deux fos t'a loupé
Juste intamé
D'guibolle te li a donné

Pas d 'pot déjà petit
J't'appellos culotte d'peau
Fos dire s'in triche
T 'arrwenos d Autriche

Fire maral de 7ans
Te fejos l'caquoille
Te m'vot te braie
Arrette 'te' n 'vos n' in
Sus in train chialer..


Tout s ' temps qu ' yé' passé
Trop souvint nous a eloigné
N'in loin t'a habité
Mais' in sé toudis loupé

L' vie est t'un si fait
Ché pos s'que ta fait
J' m infou la vie est 'inssi
Mais j'te' prévins aussi

Salomez si te disparé
Dés que j't 'é arrtrouver
J'te bouffe l' autes pieds
Trop temps y'a passé.


Rdessauvages 10/02/2002

T'a ris d' mi


T'a ris mi j'ai rin dit

L' d i s a v maudit

Ta dit qu' j'etos baveux

Ché honteux

In pluque t'écris que seros sénile

Ti te vas pas mi ta des biles

Aveuc tuyauterie pourrisse

Y'a rin qui glisse

Que sa' t' rin débile

mi t' in oncle babar

Jamais in dira

Que j 'té laisse un fur'oncle

Nous séparé de t' un oncle

v'la in siege pour ti bébé

Ti poseras t'un cul

Et si t ' un furoncle arrvin

Te pourras pos dire

Ché grâce à 'm'oncle



Ti artrouvras tout s 'qui faut

Ta sono t'in bigophone

Tes images pas sages

T'n ordinateur

T'in cendrier pour t' came

Et webcam eu fond du trou

Puisqu au trou cul

T'as un drame

Au mitan tes cannes

Grâce à t n'oncle

In verra t'un furoncle



Rdessauvages 2002

L ‚cache à z'œufs .




D'in l' timps passé

A paques

Y'a pos foque si lomgmint.

In habillot chés marals


Protégeant leurs pids de bottes de caoutchouc

D'un béret d'ssus leurs tiéte

Sauf pour li.

Et in voyau ces mouflés ché l' tchuré

De l' marlire au patronage

Sauf li .


A l'cache a z' œufs

Ces garchons y zé' étaute heureux

Pos li .

Dés qui z' étaute rintrer ces filles

faisote du chocolat Pour tertouss

et y partogeote leurs œufs


n 'in li

quo t'e dis incor te raconte qu' cho ?

Nin li

pos li

sauf li

sauf pour li


de qu 'cho q'te parle ?

De qui q' te parle ?

Qu' cho ' té n'in au courant ?

REMY.

Bin qu' cho REMY

Y veut n'in partagi ces œufs ?

Ah bon ché un radin


Nin non y n' da Nin

Pourquo yé n'in assez malin

pour un trouvé tous s'eu

ché pos cha .

mais ché t 'eunne fille !


Eunne fille. ?

ouais ché s'mère qui m'la dit

elle va mettre eunne fille au monde

el qui intindo un garchon

s'qu' yé to sur pou tertouss

y avotent juré chétot sur

man di Seigneur Jésus

v'la l'belle affaire

si ste fille est sage

Des z' œufs.


elle d'auras eunne paires au mariage

si elle n'est pos sage

elle d'auras plus


De toutes façons.

elle fras comme nous

Elle n' sauros n'in mettes.



tous ces œufs d'un s'in pannis

In même timps.


Rdessauvages 12 juillet 2002

L'souvenance.




Cha yé chinquante ans d' passé

depus qu ' chus né.

Me v'la dans la mouvance.

Chus pris par les souvenances.


J 'ai toudis cachis ailleurs

Si ch' étaut meilleurs.

Ché pos difficile d'ailleurs.

Vu qu 'ichi a n'as été servi.


Quatre ans déjà qu' min t' cheur y'a été mit bas

S 'tombe m' attind toudis la bas

T'me fera s 'bin d 'la place

pour mi LALASSE


Quatre ans déjà

Qu'un dit qu' cho qu'te degoisse ?

Rin mis chus bouffé d 'angoisses.

Pos d 'connaître l 'passé ça j 'le sais

Mais d 'savir s'qui va encor arrivé


Un peu m' arpprochi mes souvenances.

Souvint ben d 'la souffrances

et d 'l ' errance

Quo te dit gamin ??

ta mantchi de rin

Ben si j'ai connu Léonie.



Coté affection s' en n' etos eunne D'infection.

L'cordonnier y' etos mal chaussé

S 'treuffe pos tant qu'sa

ché mis qu'y'a toudis botté



Et pos par affections

Et pis tous l ' reste yé la

Tout s'qu'un peut dire

Ou n 'sais dire

Ou qu'un n'veut pos dire



Ché pas d 'leus souvenances

Qu'te pourros crier vengeances ?

In ma dit souvins t 'cheu engeance



Mi j 'ne crie n ' in al ' vengeance

J 'braie pos chus m' infance

Seulemint qu'un écoute m'souffrance




Et v 'la eunne Fos

De pluque mes souvenances

qui m'ramène la souffrance ?

Me v' la pris dans la mouvance

Chus pris par mes souvenances..


Lalasse et le surnom de francoise dessauvages




Rdessauvages 16/09/2002

Salut cousin


Alors voilà que tu me met l'eau a la bouche

avec l 'tiot louis de plus

Comme la série DALlAS tu met

à suivre ?


J 'ai donc comme un producteur de série B

transformé ton scenarii

- - - - - - - - - - - - - - - --

Cha y'és chus sur Internet.

Y 'a même eunne adresse imaille

Ché m 'in marals de n'veux

qu' y a installi tout cha a 'l 'majon

Y dit te treuffe tout che q 'te veut la d'ssus

T 'écris tous c 'que te cache

et l 'machine treuffe des adresses pour ti

T e peut akater n'importe cho .qui dit l andoulle

Mi qui connaicho pos que dalle a ces ordinateurs

Croyos mi je 'n' dés souffert pour faire aller s't'affaire

Ché incroyable s'que te treuffe la d' ins

L'problème ché que si t ' eu veut avir du courrier

te dot écrire d 'abord

mes camarates y n 'ont n 'in internet

y'a q' m' in n'veux y' m ' écris

n 'in y' habite au tcheu d' l 'rue

l' autes jours j'a reçu un immaille

j 'etos fin benneche

y' avos eunne photo d ' bonne femme

a poil qui' n' sucos pos d'l'glace

j' n' etos pos outré 'j' n'en ai vu d' autes

mais quand méme heureuzemint

qu'ces tiots y etaute ché leurs mamie

que dalache que scene

y' en a quand même que j'connaichos pos

de ces trucs du kamasoutra

cha dos etes japonais suremint

mi qu' y'avos rin d'mandé'

y disote que j 'etos minbre du cleub X

car j 'avos telecharger l'programme

cha j' ni est jamais cru' j' prind tele 7 jours

y m'on meme invoyii l 'mot d'passe

y fallor cliquer eh bin m' in père

j' ai cliquer

te v'la connecté comme y t 'raconté

sur Internet t'as des z' ailes aveuc a o l

j 'oseros n ' in d 'raconté tous s' qui ya

de peur d 'avir les mœurs sus l 'dos

mais s 'que j 'ne savos pos ch' est s 'qu' sa coûte '

0.25 euros d'la minute

te met deja trois minutes a' t'connecté

et j 'in n 'es passé du timps a m 'emberlifficoté

d' ins ches pages a vouloir vir des videos

Qui coute moins chire a leuer

a 'ch' video club !

heureuzemint qu' m' in fieu y m 'avot prevenu

qui fallot bin lire les tiotes lignes

qui disotent que t 'acepptot ?

d'payis y m'a moutré des sites gratuits

mais de l ' pub t'en reçoit pour pas un doupe

que te fini pas user t 'in forfait la d 'sus ?

ch 'es extraordinaire te cache eunne fimme

te remplit un questionnaire

te choisi el couleur d'ces cheveux- d 'ces yeux

s'religion de ces gouts pour l 'norriture

pour l 'nombres de marals qu' elle veut

ect ect ect si ben quand ta fini

pour t' plaire y t 'invote l' photo

de t 'mere

mais a n' age sus ben plus trinquille

aveuc m' in quien

et pis un jour v 'la t'y pos qu 'jé un imaille

d' un intercosmaunote qui porte m' in nom

qui comme mi a s 'n 'age y s'appelle dessauvages

qui dit qu' seros bin s' in cousin qui m 'avu qu' eunne fos

y 'a ben quarante ans t 'cha et y m'a jamais arrevu

j' en est resté babas assis su l'tchu

depus y m 'envos des photos d 'm' famille que n' j 'avos pos

de s 'te famille que j'ne connaissos pos

ben alors j 'me dit tout compte fait

qu 'être intercosmaunote ch' est pos si mal que cha

mais pos su a o l seu las y m 'pelle

rdessauvages 22 10 2002


avis aux lecteurs

c' est avec plaisir que j 'ai réécrit ce texte

ce ne sont pas mes écrits

mais ceux de mon cousin germain

dessauvages Patrick de Caudry

texte réécrit avec son aimable autorisation

dans le seul but de me faire plaisir

texte edité par les editions facettes de cambrai

9 rue saint nicolas 59400 cambrai

e :mail c.facettes@wanadoo.fr

directeur de la publication

dessauvages patrick

ligne directe 06 12 93 87 47

tel 03 27 83 94 50 fax 03 20 83 93 40

cette histoire vraie et tiré des numeros de facettes

de septembre et octobre 2002-10-22

sous la rubrique tiot louis

quand a faire de la pub autant la faire moi meme

au fait d' min cousin s 'chus fir

quand je lui dit quand patos

je suis plus fort que lui il me repond a juste raison

ils faut que ceux qui ne le parle pas ais l impression

qu' il accede a notre patos

te vaut ben pas part la

c ' n 'est n ' in sot

et qu' y' es plus facile

d ' traduire que d 'ecrire

tiot louis septembre 2002

ch'a y'est ' ma mis surfer sur internet

j'a meme ine adresse imaille

ch'es min n'veu qui m ' a inchtallé

tout cha a mason

y m 'a dit te trouve tot che qu'te veux

t'ecrit sous qu'te r'cherche et l'machine

elle te donne des adresses

te peux akater n' inporte quoi

mi qui n'connaisso que goutte à ches ordinateurs

croyos mi j' a sué des gouttes pour faire aller ch'machin la

ch 'est incroyable sous qu'te trouve la dins

el problèmes ch' est qu'si tu veux recevoir du courrier

faut t e n 'envoie

mes camarades y n ont pas Internet

y'a qu'm'in' n 'veut et il habite à coté

ma l' aute jours j 'a reçu un imaille

j ' etos bin contint

y'avos eunne photo d'bonne femme a poil in train de chucher......

et pos in litron

j'etos pas outré j ' in ai vu dins m'jeunesse

ma quind même j'm' dit heureusement qu' ya pas d' tiots

a majon pour vire ech dalache

mi qui avot rin d'mindé y disote qu'j' etos

mimbre du club X..machin

et qui m invoyo mon mot d' passe

et qui Fallot cliquer

j' l' a fait

a suivre

tiot louis octobre 2002

te v' la connecté comme i disent a un site

ou comme a l' foire te trouve tout che qu te veux

j' ose pas dire sous qui a ...de peur d ' m 'vire

classe X mais ce que j 'savo pas ch es t qu ch a couto passe

0.25 euro el minute

et j' ai passe du timps a m' inberlifiquoter

dins ches pages a vouloir vire des videos qu' cha

t' coute moins kere d'aller a ch video club

heureusemen qu' m' in fiu y m' avos averti

a timps qui fallot bin lire ches tiotes lignes

qui disotent que t' acccepto d 'payer

y m'a montré des sites ed rincontre ch 'est gratos

mais t' as plein d messages de pub a cliquer

ch 'est extraordinaire te cache eune femme

te remplit un questionnaire

te veux qu' elle pese autant te chosis el couleurs d' ses yux

eusse religion bref eun supermarche a bestiaux

mais a m 'nage chu bin plus trinquille avec min kien

et pis un biau jour v' la ti pas qu j' ai un imaille

d un intercosmonaute qui porte min nom

et qui dis que j' s 'ros bin sin cousin

qui m avu qu eune fois y 'a bin quarante ans

i m 'avos donné un moteur de mobylette

et y m' a jamais revu

ben j' etos estomaqué de l' retrouver

depuis in s' revois ben souvent

et y m 'envoie des imailles avec des photos

d' m' famille'qu 'j' avos pas

alors tout compte fait

j me dit qu etre'intercosmonaute

ch' es pas si mal que cha


Patrick et robert dessauvages
Septembre octobre 2002

L'bassine


V'la que chinquante ans après in m'bassine

avec l 'histoire d 'l'bassine

ch 'n' es' Nin l'coup du parapluie bulgare

qui n 'es pos arrivé su un tard ?


mais ché un coup qui marque des l 'tétine

j'vas ichi vous éclairé pourquo.

qu' j 'ais toudis eunne drôle de bine !

car ché pos courant d'vir un accident

au mitant d' eunne cuisine

intre un bébé et eunne bassine

min père et' m'mere vivotent

au 1 chu 19 rue d' la ' 'bourgogne

a l'marlire mi


j' vivot d'un l ' vinte de mamére

qui m'portos ben au qu' c'haud

faut ben sortir u n jour comm ' m'in père

oeuvro de chinq heures a eunne heure d'l'apres midi

j ai décidé d'sortir a c' t'heure la

ben déjà la chu marchti par l'destin

ché n 'in l' fée électricité

qui che pinché su l 'accouchemint !

car d'l'electricité y d'avos point

chu pos un papillon pour être attiré par l' leumire

ni un cafard attiré par le noir

quant 'y 'es l 'heure yé l heure

d 'autant pluque que tertouss ' étaute la

l' sage femme l'vijaine min père

m' mère au premire loges comme d 'habitude

et mi - mi qui cache d 'in l Brenne après l 'sortie

m 'mère qui a dit à min père


de t 'cheurire rue des ursulines

au service municipal d 'électricité de Tourcoing

au service de garde pour venir chinger l ' fusible

au 1 er février 52 n 'avos n' in de disjoncteur

j 'dos être l 'premis disjoncter du secteur


m 'mère en attindant décide de s'retenir

mi de sortir déjà l'conflit d'generations

elle prind appui su l'table a deux mains

mis des deux pids pousse su ces reins

ça dot marché vu qu' j 'l'intend crier

Et ca dure un momint un long momint.


mi trinquille

j' pousse des pids

elle a deux mains

elle reste accrochis


v'la du brut d'in l'couloir

min père y 'és la avec l'depannateur du s. m. e. t

qui crot n 'in au coup d'l'accouchement

min père des l' courant remis

crie te peut y aller

m 'mère s'in prévenir

lâche ces appuies

cha ch é pas permis

ché pas bien

vu qu' j' appuyos su ces reins

j'ai été éjecté

directement avec m 'tête su

l'bassin

ch' étos pos a faire

vu qu' l'bassin

y'etos in fer

depus s'timps la

la' m' mère dit q'chus martchis

non par le destin

mais par l 'bassin

l 'fée l'électricité arrivée

n 'a n'in témoigner

mais a vu d'in l 'cuisine

les restes de l'bassine

l'curé y z'ont été l ' chercher

à rin sa a servi

j 'etos crochis

vu qu 'au matines

a l'bassine

j'avos été baptise.

mi j'peut dire que comme l'bassine

j 'ai été galvanisé

quand j'vos a l 'telé

d'j'accouchemins

et que ces femmes !


avec leurs pids aux étriers

'a deux mains se tiennent

elle doivent pinsser qu 'a' terre leurs gosses

va tchere vu qu'au mitan de l' piche

y 'a pus ché certain une bassine

et cha depus qu 'un 1 er février

y'a un gosse qui a été traumatisé

A cause de l 'électricité

et d'une bassine.

Rdessauvages26-10-2002

L'famille


Ch'n'és n'in qu'in soit

plus débile qu'les autes.

Mais y'és vrai qu'la famille

cha n é nin l'style .

De nous autes enfin d'eusses

pos d' mi. Car pour mi

ché comme eune grappe d'raisin.

Si y manque un rojin

cha ne m'vas nin

J' l'ai enfin artrové l'cousin.

Y 'etos pos trop loin d' ichi a Caudry.

Y cause n' in gramint

mi j' n' arrette n'in.

Y'és solitaire qui dit.

mi j'ne peut vif seu

j'li ais dit.

in n' est n 'in sauvages.

rin qu 'des Dessauvages.

Ché pour cha qu' in est bin cousin

Te nous vos tous deux pareils.

J'in connos eunne qui meme veuffe.

De mindros l'divorce.

In s' arwette in s 'parle

d ' s'passé qu' in connot nin.

Bin trop jeunes pour des trucs de grands.

Y s'ra toudis bin temps pour vir clair.

Pinse plus qu' a mis t'in cousin Bebert.

Qui va ché clair

t'presinté l 'famille.

Et j' in connos ché vrais qui sont debile.

Nin sauvages rin qu' des

Dessauvages

Et s' est bin din leurs style.

de cachis a savir

s' ti qu'y'es debile.


rdessauvages 24/08/2002

L'arr'traite


Infin y 'la HUS s'n 'arrtraite.

Dire qui croyos qu'un Allos souffler

Les sirènes.

Rin de tous cha.

T'es postier t'auras drot qu'aux

Acouffennes.

Comme te n 'a jamais été de ceux qui disent !

y 'a foque

Te finiras à l' afoc.

Comme vice-président !

S'qui vos mi que sergent..

Car pour eux l 'arrtraite che souvint.

L'dé bande dache.

Qui a t'n'ache !

Ne devros pos être un soucis..

Cha dos fonctionner.

Qu'os qu un fonctionnaire !

cha n'a pos toudis

Le cœur a l' ouvrache..

te seros n'in quand même feignant

A l 'ouvrache ?

car vos déjà d' ichi pourquoi
Qu'Annie a mi ta envoyi !

In s 'disant y a foque finir à l' afoc.

la y'est à s' neze y frétille

Comme une anguille !
pour un pequeux a l 'arrtraite

che s'qu'y 'a d 'mieux.

y'a d'l' ouvrache avec Dessauvages

Qui bin que patoisant arriff bin mi !

A boire d 'eunne seule traite a t 'retraite.

qu 'a de s'machine à sortir

Un hommage sans in faire un fromage.

Comme un dit chez nous !

sainte prospérité liberté

fraternité dignité respect amitié

ouf j 'ai sut terminer avec

l 'arrtraité

Qui a sut toudis faire !

Bosser jusqu'a l'retraite les autes.

Et la Annie ta pos fini.
D'bosser

rdessauvages 11-01-2002-18h47


A SIMON HUS

Ma mie ma sœur


Ma Mie ma Sœur min t'chœur

Incor achteur comm c' soir.

J ' ai du mos a min t'chœur.



Ma Mie ma Sœur

Quatre ans achteur

J'ai essayi d 'comprinde pourquos

J'écris ma Mie Min T'chœur.



Pos pour t' oublii ma Mie

Pour faire l' crâneur

Min t'chœur.


J 'busi souvint à ti

Ma Mie

J'décroche comme un dur du mur

T'in portrait.

J 'passe devint l'boulanger

Ou l'boucher



Toute sute eunne odeur

Min t'chœur

Me fait penser à ti et j'pleure

Ma Mie ma Sœur


L'bandi a nous autes sans douceur ta pris

Ma Mie

Bin trop loin d 'nous autes ta mi

Y 'a pos d'cœur




N 'in d'in sin paradis promesse d'bandit

Qui t'a mi !

D'in nos tchoeur

In savos que j'tos des mintiries

Cha ché pour toudis sauf min cœur

Ma Mie.


si toudis comme mi y'en a un

Qui busi a ti !

et l'in verra ma mi min cœur

Que t'n'es Nin morte d'in nos cœurs !

Ma Mie ma Sœur

rdessauvages

27 01 2003 2 3H00

HELMUT



Mi j' ai fait l 'guerre l 'dernire l'vrai.
Celle de 39.
Chétos dur
D'ins les trinchées aveuc d'l eau.
Jusqu'a plus soif
Au d'sus nos tietes.

L'plus dur.
In pouvos pos fumé.
Te ché pouquos ?.
Avec de l eau au-dessus de ta tête pépère ? .
Ouais.
Nennon.
Plus dur ché tot qu'in n'‚pouvos pos fumer.
A cause d'el fumée

Pour chés boches qui nous arwett' autes in face.
Ta vu des allemands pepére ?.
Ouais en quarante et
Ché pos cha qui m' inquos.
L'compagnie a helmut.
S' te bon a rin d'boche
Pos un mauvais garchon.
Pour preuve il m' aimos tellement bin
Qu'il ma garder 4 ans !
D'in s'in payis
Ste braffe fieu.

A l'libération al fin de l'd'juerre
J'me suis marié
Sur les conseils
De s'te fégniant t 'churé de l' marlire.

Depuis suis prisonnis
De g 'rand mère.
Pire que les boches
La les Américains y sont pos la.
Les z ' inglais débarquent
Chaqu'fos q' sus amoureux.
Et aveuc' el pos d'colis ni cadeaux
Et surtout pos perms.
Y'étaut pos si dur que cha tout compte' fait.
Helmut.
Li y ma laichi partir.

RDessauvages© 2005

Les disav d 'antan


Ou t'ché qui sont ché disav d antan

Qui accourotte des qu ' Babar y 'appelot.

Le v'la s'maral

A tch'eurrir la limace.

D'in ces salades

Pour la blondasse .

Qui elle pour eunne salade .

Meme s 'in Babar l' met a l écart

A Qui s 'povre homme qui téléphone

Répond qu 'y'a personne

Il li avot pourtant dit

Cécile chus n' in débile

Si te minge trop d 'salades.

Te finira par avir des biles

Y faudra t 'un nom choisir

In finira par t' appeler la limace

Qu 'y'e pire que la blondasse

Ou sont les disav d antan

Quant a ti

Dépêche te a finir l 'site a tonton

Car méfie te y'aura d' l 'répression


R dessauvages 22/06/2002

Disav surnom de
dillies informatique service après vente

L 'père Noé

Cha y'es z 'ont réussi

j 'aros du m' mefi

D'Simon et d'Annie

Y z'etaute trop mielleux

D'vrais souquard ché pos malheureux

aveuc un prénom biblique parelle l 'Simon

cha d'vau arrivé dins cette période de Noé

v' la ti pos que tout du ch'min y m'dit

t 'm rindros pos un service

pos pou mi

pour mes infants ces ptiots marals

te fros pos l'pére 'Noé a 'm'plache

mi qui n'aime pos m'mette in public

m 'me v 'la biaus

in premire place aveuc des connaicheux parelle

surtout l 'ptit malicieux au nez rond

s'tiot au fils de Christian

su, n'in sorti d 'affaire

in n'a pos idées a n'ache

a Mi in pluque

d 'faire des trucs ainchi

te pourra dire Simon

q 'ma Hus

s'qu'y'es dit est dit

cha comminche bin

l 'habit y'es juste très juste

surtout coté du cappiau

Simon m'rassure in disant

Que Noé y'es bin portant !


p'tete bin j'te Cros

mais ché pos li

Qu'y 'a eunne grosse tête !

a rintré dans un si p'tit bonnet

l 'soir y' arriffe a l'nut

Comme un voleu a'l Brenne !

me v'la su plache

J'l 'ai pos vu l 'père noé

sinon dedins

les Ys de ches gosses

même pos un reflet

din eunne glache

du pur bonheur

'rin que d'l'joie

j'ai fait d'min mi

y'en a un qu' y 'est triste

Y faisot l'gros dos comme un cat.

l' maral a Natacha

ches cousins y 'z' ont eus au moment

D'la distribution des cadeaux

les leurs avant li que désespoir

vite oublii quand ches cadeaux

ch'ont arrivé cachi prés du couloir

a ce moment la j'ai compris

J'ai tout oublii m'gêne mes craintes

J'n' etot plus l'image du père Noé

j' etos Noé

rin que pou ches gosses

du pur bonheur

j 'chus parti comme chus v' nu

sans brut les laichant la aveuc leu jouets

a Roubaix j'ai fait Noé pour mes n 'veux

parelle au même Mathilde min t'chœur

Qui point sotte ma reconnue !

m'a dit à sa façon

du fond d'sin cœur

le bonheur d 'ces infants

t' es babar pére Noel

L'joie etaut si forte d'in ces yeux

Qu'in momint j 'ai eus peur !

j ' ai eu tort dins ces Ys

et d 'ins les ys des tous ches gosses

y avos d'l'amour et d'l'a joie

et cha pou l 'deuximme fois

Que nous autes les grands !

in devros redécouvrir

a tertouss mes collègues père Noé

j ' leu'souhaites eunne bonne année

ainsi qu'a Annie et ces mouflets

cho écrire de pluque

l 'dessus sinon qu'a dire à Simon

Que pou l 'prochaine année !

pitié t 'change min bonnet

et ches aveuc plaiji

Que j arcomincherais !

a jouer les pères Noé


rdessauvages26/12/2002



Noël 2002 chez Simon Hus

Moudre



moudre maman en flamand

Tcheu t'chienne de vie Moudre

Toudis obligi d'un découdre

Aveuc des gins dont l'intelligence

N'rempliros Pos un dé a coudre

Obligis d'cachis d'un lumire

des frères

Qui ont en commun !

D' avir tros point :.

Pos des frères sanguins

Mais qui comme mis

ont in commun

De dire en vérité

T'es in fraternité.

J'ai toudis cachi Moudre à savir

Non pas pour en découdre avec ti

Si t'etaut fir d un jour de m'dire

j 'te quiere chus fir de ti

M 'in Bébert y' a pos d ‚mystères

pôs de dire qu't'es un mauvais caractère

mais d' s'avir qu't'aime tes frères

bin qu' t'es toudis a in découdre

aveuc les infants de t'moudre

nin seulemint c'eusse des tros point :.

Mais de tes frangins sanguins.

D'ces infants qui sont les miens

J 'mourrais trinquille d' savir

Que jamais j'sais que t'leur poseras un lapin !

Pos facile apres onze gosses

D'in mettre un in cause

Pos invi d'un découdre

Aveuc des gins dont l'intelligence

N'rempliros Pos toudis un dé a coudre

J 'laisse ça pour t'y

Mis chu t 'moudre

Avec l'vie j 'ai dû in découdre

© Rdessauvages 15 03 2003

Chus venu t'dire


Chus venu t'dire s'in mentir

Que j' voudros partir !

Tout le timps

Sin déplaisir mourir.

Chus venu t'dire s'in mentir

Qu'à force d'courir !

Apres les choses d'la vie

J 'ai pos eus les moyens d'les acquérir

Que courir après tout çha !

Tout le timps

cha ma fatigué

Qu' ché trop dur d'existé !

plus d 'une Fos j'ai essayis

Tout le timps

D'me tuer

sin mintir sans y ' arrivé

Chus venu t'dire s'in mentir

Que j' voudros m'arrêté !

Tout le timps

Vu qu'té arrivé

Ti m'infant té né

M'vie ta chingé

Raison d espéré t'ma donné

Aveuc t'mere

j'ai comminchi a existé


Chus venu t'dire s'in mentir

Devant l 'berche de t'n'infant

Que jamais d'la vie !

j'auros du désespéré


Chus venu t'dire s'in mentir

Qu'les choses d'l'vie !

J 'l'ai es treuvé sans cachis

Tros trésors me sont donné




Rdessauvages 22/11/2003

L'lapin du vijin vanache



Biau gros lapin du vijin

Ché avec panache

ti l lapin de l 'mère

vanache

que ' te v'la arrête d'in min gardin

Frelatant d' ichi de la

te v'la ami avec min 'cat.

Filou il l'est pos malgré s'in nom

Vu qui t'as pris pour un chaton.

T'eu vos bin par la qu'un lapin y n 'da vu

Qu'un boite de pâtée et te da profité !

de nouvelle position t'in a abusé

vu que ta été a cote d' li

D' un 'l 'canapé te reposé

faisant ami ami avec l' famille

T'as pris l' cat. pour un débile

Li etaut contint d'avir un copain.

te la infilé très vite comme un lapin

du petit-fils de Leonie te devros t' mefiis

si te connos l'histoire du cat. de l' concierge

cat. ou l'lapin sin gloire te finira

pos t'vie in panache

ti l'lapin d'l 'mère vanache

Qui saute l' cat ? de l ' mère Matton

Te finira t' vie a sécher raide sur un bâton

Mi Qu'y es pos filou ni berlou !

mais radin

et comme Leonie

J 'minge du lapin même sti du vijin


© rdessauvages

06_04_2003_© (histoire vraie)

L'timpete de neige du
1 er fevriis 2003


Cha yé y neige aujourd' hu

Grammint d 'gins y'avotte pos connus cha.

Si te dit que si t' es un vieux.

In 1962 j'ai pris un héron fasse au vert gazon.

Avec min copain Salomez Bernard

L'aute a qui j 'dit cha fait des ys rond

Chos y comprind n' in

Y ché pos qu'chos ché un héron

Ou y busis que t'es rond.

Ta qu'a demande a salomez

j' n'ai n' in un verre d' un l 'nez

in n 'avos dix ans tout rond

in buvos pos incor des ballons

in la condus a dron l 'héron

a l' l . p. a qu' y'etos la.

m' tante dit q' ches a cause des spoutniks.

tous cha qu' y'es d 'in l'air .

tous cha pour inbetes les ouvriis.

a leur faire la nique

les uns ché la faute a rafarin

pous les faire crever d' faim

pous les autes chés les socialistes.

qui ont dus les oubliis sut leur liste

et pour t' int mi j'dit qu' cha fait.

un bon momint qu 'sa dure.

que ché dame nature

qui décide du timps qui f'ra.

et cha point t'ne changeras

mi qui aujour'd hus.

auras au 1 er février jour ou j' sus né

in 1952 n' anniversaire et 51 ans.

connaissos l' timps déjà vu

que quand j'chus né

j' avos un col fourre autour de m' in nez.

des que j' l' ais passe cha été

l' premire fos que j ' me sus fait in d' jueuller

ben oui in peut tout faire

ou croire qu' in le fait

mais l' timps ché pos ti qui la fait

et ches si vrais que heureusemint

y 'a qu cha qu' ya pos changer.


rdessauvages


1er février 1952

1er février 2003